Movshâš šillju

Šilju huksehusat ovddastit Anára dálonsámi orrunhámi 1800-logus. Guokte orrunvistti ja áittit sirdojuvvojedje museai jagi 1960 Movshâš dálus (Tirro RN:0 3), mii lea Anára Fášku guoras. Movshâš lei okta dain hárve báikkiin Anáris, mat seastašuvve nuppi máilmmisoađis. Stobut báhce dárbbašmeahttumin, go ássit huksejedje ođđa váldohuksehusaid soađi maŋŋel. Movshâš dállu vuođđuduvvui 4.12.1852, ja dan vuosttamuš oamasteaddjit ledje Hannu Iisakinpoika Mattus ja Anna Martintytär i.g. Paadar. Go sohka stuorui, dálu lusa huksejuvvui 1870-logus nubbi ássanvisti, man vuosttamuš oamasteaddjit leigga Martti Hannunpoika Mattus ja Heleena Matintytär i.g. Saijets. Sammeli ja Kaisa Kitti ásaiga dálus 1950-logu beallemuttu rádjái. Dállu oaččui ealádaga njuolga luonddus. Bohccuin ožžo bierggu ja náhki earret eará siste- ja guolgabiktasiid várás. Mielki ja ullu ožžo moatti gusas ja sávzzas. Šiljus leamašan buđetbealdu. Meahccebivdu, guollebivdu ja murjen gulle maid dálu ealáhusaide. Movshâš dállu rievdaduvvui nubbin dállun j. 1939 (Idnehvaara RN:o 16:4), man vuosttamuš oamasteaddjit leigga Matti Mattus ja Briitta Mattus. Čájet uhcit