Movsháá šiljo

Šiljo rakânâsah ovdâsteh Aanaar tálusämmilii aassâmhäämi 1800-lovvoost. Kyehti aassâmrakânâs já ääiđih láá sirdum museon ive 1960 Aanaar Fáášku piällást orroo Movsháá táálust (Tirro RN:o 3). Movshâš lâi ohtâ tain härvinijn paaihijn Anarist, moh šiäštojii nube maailmsuáđist. Tuuvijd iä innig tarbâšâm ko ässeeh huksii uđđâ váldurakânâsâid suáđi maŋa. Movsháá táálu vuáđudui 4.12.1852, já ton vuossâmuuh omâsteijeeh láin Hannu Isákandâ Mattus já Anna Marttinnieidâ js. Paadar. Ko suuvâ stuárui, te táálun huksejui 1870-lovvoost nubbe aassâmrakânâs, mon vuossâmuuh omâsteijeeh láin Marttin Haanukandâ Mattus já Heleena Maatinieidâ js. Saijets. Sammeli já Kaisa Kitti aasáin táálust 1950-lovo loopâbel räi. Táálu áigápuátu poođij njuolgist luándust. Poccuin finnejii piärgu já näähki eereeb iärrás šišne- já čevđipihtâsij várás. Mielhi já ulo finnejii muádi kuusâst já saavzâst. Kiedist lii lamaš pottáákeennâm. Miäcástem, kuálástem já muorjim kullii meid táálu iäláttâssáid. Movsháá táálust hämmejui nubbe táálu i. 1939 (Idnehvaara RN:o 16:4), mon vuossâmuuh omâsteijeeh láin Matti Mattus já Briitta Mattus. Čääiti ucceeb