Mii lij VISA-haʹŋǩǩõs?

Haʹŋǩǩõõzzâst oouʹdeet museooʹje 3D-skaʹnnʼjummuž toiʹmmjem-maall, koon äuʹǩǩeet tõn mâŋŋa museo kulttuurpirrõs- da norldõkjuâkksi ruõkkâm-, õutstõs- da čuäjtõstuâjast.

Haʹŋǩǩõõzz ääiʹj kaartʼtet õutstõõzz jurddjid da eʹtǩǩõõzzid sääʹm kulttuurääʹrb digitaalʼlaž vuäǯǯamvuõđ kuõskeeʹl, jeäʹrben 3D äuʹǩǩummuž ǩiõččâmkuuʹlmest. Pilotthaʹŋǩǩõõzzâst tuʹtǩǩeet da teʹsttjet teknologia âânnmõõžž tuejjeem tääʹzzest ouddmiârkkân täʹvvri da joba ceâl kulttuurpirrõspaaiʹǩi vueʹzzeld ǩeâllʼjeeinalla õutstõõzz tuõivvjid da jurddjid kuvddleeʹl.

Haʹŋǩǩõõzzâst kaartʼtet sääʹmkulttuur 3D-museonorldõõǥǥi ruõkkmõʹšše da õlmstâttmõʹšše õhttneei eettmõõžžid Lääʹddjânnmest, ouddmiârkkân vuällamvuõđ, maatkčummuž da raajjivuõiggâdvuõđ ǩiõččâmkuuʹlmest. Jurddjen lij, što skaʹnnʼjum täʹvvri da paaiʹǩi 3D-maallid äuʹǩǩeet ouddâl puki kulttuuräʹrbbpeâmmʼmest da vuällamvuõđ lââʹzztummšest. Tuäivat, što haʹŋǩǩõõzz puäđõõzzin lij pueʹttiääiʹj äuʹǩǩ še jeeʹres toiʹmmjummšest mâʹte tuʹtǩǩeemââʹnnmest da Sääʹm-museo čuäjtõõzzi vueʹssen.

Virtuaalʼlaž Sääʹmm leʹbe VISA-haʹŋǩǩõs aaʹlji 1.6.2024 da juätkkai 30.9.2025 räjja.