Tirro ǩeʹddmäʹrǩǩ
Ǩeʹddmääʹrǩ raajâlm oudste Aanar põrttneǩsääʹm jälstemnääʹl 1800-lååǥǥast. Kueʹhtt jälstempõõʹrte da aaiʹtid siʹrddeš museooʹje eeʹjj 1960 Tirro täälast (Tirro ...
Čuäʹjet lââʹzz
Ǩeʹddmääʹrǩ raajâlm oudste Aanar põrttneǩsääʹm jälstemnääʹl 1800-lååǥǥast. Kueʹhtt jälstempõõʹrte da aaiʹtid siʹrddeš museooʹje eeʹjj 1960 Tirro täälast (Tirro RN:o 3), kååʹtt lij Aanar Váškujooǥǥ kuâŋŋsest. Tirro leäi õhtt tõin hääʹrves paaiʹǩin Aanrest, kååʹtt šeäšttji nuuʹbb jõnn vääinast. Põõʹrtid jie teänab âânnam, ko aassi raʹjje ođđ väʹlddrajlmid vääin mâŋŋa.
Tirro tääl vuâđđeeš 4.12.1852, da tõn vuõssmõs vuäʹmsteei leʹjje Hannu Iisakâʹlǧǧ Mattus da Anna Marttinijdd j.s. Paadar. Ko soʹǩǩe šõʹdde lââʹss oummu, tallu raʹjješ 1870-lååǥǥast nuuʹbb jälstempõõʹrte, koon vuõssmõs vuäʹmsteei leʹjje Martti Hannuâʹlǧǧ Mattus da Heleena Mattinijdd j.s. Saijets. Sammeli da Kaisa Kitti jälste põõʹrtest 1950-lååǥǥ loopp-peäʹl räjja.
Tääl oummui piʹrǧǧummuž vuåǯǯuš vuõiʹǧǧest luâđast. Puõccuin vuåǯǯuš vueʹǯǯ da čoouʹdid jeäʹrbi mieʹldd šeʹšnn- da sõõuspihttsi vääras. Mieʹlǩ da ooll vuåǯǯuš mueʹdd kuuzzâst da saauʒâst. Ǩeʹddmääʹrǩest lij leämmaž pååttaǩpeäldd. Mieʹcstem, kueʹllšeeʹllem da muõʹrji uussâm kuʹlle še tääl oummui jieʹllemvuõʹjjid.
Tirro täälast šõddeeš nuuʹbb tääl eeʹjj 1939 (Idnehvaara RN:o 16:4), koon vuõssmõs vuäʹmsteei leʹjje Matti Mattus da Briitta Mattus.
